DAILYKARABAKH
Hər şey ədalət üçün!
 

XİN: Fransanın yeni daxili işlər naziri qondarma “Fransa-Artsax” dostluq qrupunun üzvüdür

Fransanın yeni daxili işlər naziri Bruno Le Runun adı arzuolunmaz şəxslər siyahısındadır.

Dailykarabakh-ın məlumatına görə, bu barədə APA-ya açıqlamasında Xarici İşlər Nazirliyinin mətbuat katibi Hikmət Hacıyev bildirib.

O deyib ki, nazir 2015-ci ilin sentyabrında Fransa parlamentinin üzvü statusunda Azərbaycanın Ermənistan tərəfindən işğal olunmuş ərazilərinə qanunsuz səfər edib: “Azərbaycan Respublikasının qanunları, ərazi bütövlüyü və suverenliyini pozaraq işğal olunmuş ərazilərə qeyri-leqal səfər etmiş hər bir əcnəbi vətəndaş tutduğu vəzifə mövqeyindən və kimliyindən asılı olmayaraq arzuolunmaz şəxslər siyahısına daxil edilir. Qanun qanundur və hamıya da eyni cür şamil olunur”.

H. Hacıyev onu da qeyd edib ki, yeni daxili işlər naziri qondarma “Fransa-Artsax” dostluq qrupunun üzvüdür

XƏBƏRİ PAYLAŞ